بەپێی راپۆرتێكی ئەمەریكی لەمساڵدا نرخی نەوت بەرزتر دەبێـتەوە و دەگاتە 58 دۆلار بۆ یەك بەرمیل نەوت و ساڵی داهاتوش بەتەواوەتی دەگۆڕێت و دەگاتە 75 دۆلار.
بەپێی راپۆرتەكە كە لە ناوەندێكی فەرمی ئەمەریكییەوە دەرچووە پێشبینی ئەوەكراوە، نرخی نەوت ئەمساڵ لە نێوان 28-112 دۆلار لە هەڵكشان و داكشاندا دەبێت، بەڵام ساڵی داهاتو نرخەكە جێگردەبێت و بەرزدەبێتەوە بۆ 75 دۆلار.
ئاژانسی هەواڵی وزەی سەر بە ئیدارەی ئەمەریكا باسی لەوەشكردوە، كە لە كۆتایی ساڵدا بەرهەمهێنانی نەوت لە ویلایەیەتەیەكگرتوەكانی ئەمەریكا دەگات 9.3 ملیۆن بەرمیل لە رۆژێكدا و بەوەش 100 هەزار بەرمیل نەوت زیاتر دەبێت.
بەپێی دواین نرخی بازاڕە جیهانییەكان نرخی نەوت لە بازاڕەكاندا بۆ كەمتر لە 50 دۆلار دابەزیوە و ئەوەیش كەمترین نرخە لەماوەی شەش ساڵی رابردودا.
Kurdish