ئاژانسی نێوده‌وڵه‌تی وزه ئاشكرایكردوه، كه پاش 23 ساڵی دیكه ئه‌مه‌ریكا پێویستی به نه‌وتی هیچ وڵاتێك نابێت.
له راپۆرتێكی ئاژانسه‌كه‌دا ئاماژه به‌وه دراوه، كه له ساڵانی داهاتودا ئه‌مه‌ریكا گه‌شه‌سه‌ندنێكی به‌رچاو له بواری ده‌رهێنان و به‌رهه‌مهێنانی نه‌وت به‌خۆیه‌وه ده‌بینێت به‌شێوه‌یه‌ك كه به‌سه‌ر عه‌ره‌بستانی سعودیه‌دا زاڵ ده‌بێت.
رونیشكراوه‌ته‌وه، كه ساڵی 2020، ئه‌مه‌ریكا 11.1 ملیۆن به‌رمیل نه‌وت به‌رهه‌مدێنێت له رۆژێكدا به‌رامبه‌ر 10.6 ملیۆن به‌رمیل نه‌وتی سعودیه له رۆژێكدا.
له راپۆرته‌كه‌دا ئه‌وه‌شخراوه‌ته‌ڕو: له ئێستادا ئه‌مه‌ریكا 20%ی كۆی نه‌وتی یه‌ده‌گی جیهان به‌رهه‌مدێنێت.
ئاماژه به‌وه‌شدراوه، كه ئه‌مه‌ریكا له به‌رد ئه‌و نه‌وته به‌رهه‌مدێنێت، ئه‌وه‌ش ده‌بێته هۆی دروستبونی بومه‌له‌رزه‌و پیسبونی ئاوه‌كان.
Kurdish