جێگری یەكەمی سەرۆكی ژوری بازرگانی وپیشەسازی سلێمانی دەڵێت لە ئێستادا ژمارەی كۆمپانیا ئێرانییەكان لەهەرێمدا كەمیان كرددوە لە بەرامبەریشدا ژمارەی كۆمپانیا توركییەكان رو لە زیادبون دەكەن .
لە میانی چاوپێكەوتنێكی تەلەفزیۆنیدا لەگەڵ كەناڵی (YJC ) ئێرانی كە پێنج شەممە 6-11-2014 لە ژوری بازرگانی وپیشەسازی سلێمانی ئەنجامدرا،یاسین رەحیم فەرەج جێگری یەكەمی سەرۆكی ژوری بازرگانی و پیشەسازی سلێمانی وەڵامی چەند پرسیارێكی دایەوە كە پەیوەستبون بەپەیوەندی بازرگانی نێوان هەرێمی كوردستان ووڵاتی ئێران.
توركیا ركابەری بازرگانی ئێران دەكات
یاسین رەحیم باسیلەوەكرد “لە هەرێمدا كۆمپانیا توركییەكان بە بەرهەمەم و كاڵاكانیان ركابەری كۆمپانیا ئێرانییەكان دەكەن،هەرچەندە ئێران خاوەنی چەندین كۆمپانیای پێشكەوتو بو لە هەرێمدا بەڵام بەهۆی ئەوەی نەیانتوانی رویەكی جوان پێشكەش بكەن بۆیە شكستیان هێنا و گەڕانەوە بۆ ئێران ،بۆیە پێویستە حكومەتی ئێران ئەوكۆمپانیایانە بخاتە لیستی رەشەوەكە كاڵاكانیان بەكوالیتی نزم بەرهەمدەهێنن ودەينێرنەدەرەوە .
لە كوالیتی كاڵا ئێرانیەكان رازی نین
سەبارەت بەكوایتی كاڵا ئێرانییەكان یاسین رەحیم رایگەیاند: لەكۆی گشتی كاڵا ئێرانییەكان رازیننین چونكە كۆمپانیا ئێرانییەكان سەرەتاییەكی خراپیان لە كوالیتی بەرهەمەكانیاندا پێشكەشكرد،بەڵام پەیوەندی بازرگانیمان لەگەڵ ئێران بەردەوامە و لە ئێستادا لە رێگەی كولیتی كۆنترۆڵەوە رێگری لە هەمو ئەوكاڵایانە دەكەین كە كوالیتییان باش نییە.
پەیوەندی هەرێم و ئێران
جێگری یەكەمی سەرۆكی ژوری بازرگانی وپیشەسازی سلێمانی باسی لە پەیوەندییەبازرگانییەكانی نێوان هەرێم و ئێران كرد وتی:”مێژوی ئەو پەیوەندییە بازرگانییە دەگەڕێتەوە بۆ سەرەتای دروستبونی حكومەتی هەرێم ،بەتایبەت شاری سلێمانی بەو پێییەی كەخاوەنی چەند خاڵێكی سنورییە لەگەڵ وڵاتی ئێران ، یەكەمین پێشانگاشمان لەهەرێم بۆ پارێزگای سنە كردەوە ولە ئێستاشدا لەلایەن ژوری بازرگانی سنەوە داوامان لێكراوە پرۆتۆكۆلەكانی نێوان نێوانمان نوێبكەینەوە “.
Kurdish