لیژنه هاوبه‌شه‌كانی قایمقامیه‌تی سلێمانی ده‌ست به‌سه‌ر 53 كیلۆگرام گۆشتی هیندی قه‌ده‌غه‌كراودا ده‌گرن‌و خاوه‌نه‌كه‌شی ده‌ده‌نه دادگا.
عوسمان ئه‌بوبه‌كر، سه‌رۆكی لیژنه هاوبه‌شه‌كانی قایمقامیه‌تی قه‌زای سلێمانی، رایگه‌یاند: دوای ئه‌وه‌ی ئاسایشی ئابوری زانیاریان پێدان كه له‌ماڵێكدا گۆشتی قه‌ده‌غه‌كراو هه‌یه، ئه‌وانیش ده‌ستبه‌جێ چونه ماڵه‌كه كه له‌گه‌ڕه‌كی سه‌ركارێزبوو، ده‌ستیانگرت به‌سه‌ر 53 كیلۆگرام گۆشتی قه‌ده‌غه‌كراوی هیندیدا.
وتیشی: “به‌پێی هه‌موو رێنماییه ته‌ندرووستییه‌كان ئه‌و گۆشته‌ی ده‌ستمان به‌سه‌رداگرتووه ناشێت بۆ به‌كارهێنانی مرۆڤ”.
عوسمان ئاماژه‌ی به‌وه‌شدا: دوێنێ شه‌ویش ئاسایش توانیویانه ده‌ستبگرن به‌سه‌ر دوو كارتۆن جگه‌ری به‌ڕازیلی كه ناشێت بۆ به‌كارهێنانی مرۆڤ.
سه‌رۆكی لیژنه هاوبه‌شه‌كانی قایمقامیته‌ی سلێمانی ئه‌وه‌شی خسته‌ڕوو: خاوه‌نی ئه‌و گۆشته ده‌درێت به دادگا‌و به‌پێی یاسا سزا ده‌درێت‌و گۆشته‌كه‌شی له‌ناوده‌برێت.
سەرچاوە : خەندان
Kurdish