شاره‌زایان وریایی ده‌ده‌ن له‌ئه‌گه‌ری به‌رزبوونه‌وه‌ی نرخی شكولاته له‌جیهاندا به‌ڕێژه‌ی سه‌دا 20 به‌به‌راورد به پێشتر، به‌هۆی بڵاوبوونه‌وه‌ی نه‌خۆشی ئیبۆلا له كیشوه‌ری ئه‌فریقادا.
به‌وته‌ی ئه‌و شاره‌زایانه نرخی ده‌نكه كاكاو له‌ئێستادا به‌رێژه‌ی سه‌دا 18.5 به‌رزبۆته‌وه‌و ئه‌گه‌ری ئه‌وه‌ش له‌ئارادایه ئه‌و نرخه زیاتر بكات به‌هۆی مه‌ترسی ته‌شه‌نه‌سه‌ندنی به‌رده‌وامی نه‌خۆشی ئیبۆلا له‌ماوه‌ی چه‌ند هه‌فته‌ی داهاتوو.
رۆژنامه‌ی ده‌یلی مه‌یل چاپی به‌ریتانیا، بڵاویكرده‌وه، كۆمپانیای به‌رهه‌مهێنانی شكولاته نرخی به‌رهه‌مه‌كانی ده‌ستنیشانده‌كات له‌سه‌ر بنه‌مای ئه‌و زیادبوونه‌ی به‌سه‌ر نرخی شكولاته‌دا هاتووه له‌جیهاندا.
چاودێران به‌رزبوونه‌وه‌ی نرخی شكولاته ده‌گێڕنه‌وه بۆ ئه‌وه‌ی كه خه‌ڵك مه‌ترسی له‌لا دروستبووه له توشبوون به‌نه‌خۆشی ئیبۆلا، ئه‌گینا به‌رهه‌می شكولاته كه‌می نه‌كردووه‌و ئه‌و وڵاتانه‌شی كه شكولاته به‌رهه‌مدێنن هیچ نه‌خۆشیه‌كی ئیبۆلا تێیاندا تۆمار نه‌كراوه.
گانا و ساحل عاج له‌و وڵاتانه‌ن كه شكولاته به‌رهه‌مدێنن، ئه‌م وڵاتانه هێشتا نه‌خۆشی ئیبۆلا تێیاندا تۆمار نه‌كراوه، به‌ڵام دراوسێی وڵاتی لیبریان كه به‌هۆی ئه‌و نه‌خۆشییه‌وه به‌م دواییانه 4 هه‌زار كه‌س گیانی سپاردووه.
خەندان
Kurdish