فەرمانگەی كەشناسی سلێمانی ڕایدەگەیەنێت بەهۆی شەپۆلێكەوە كەماوەی دوو رۆژە ناوچەكانی هەرێمی كوردستانی گرتۆتەوە بڕی 13 ملیمەتر باران داباریوە.
دارا حەسەن فەرەج، بەڕێوەبەری فەرمانگەی كەشناسی سلێمانی وتی”ماوەی دوو رۆژە شەپۆلێكی باران بارین ڕووی لەناوچەكانمان كردوە كە كاریگەریەكەی لەئەمرۆدا كۆتایی پێ دێت و بەهۆیەوە بڕی 13 ملیمەتر باران داباری”.
ئاماژەی بەوەش كرد كۆی گشتی باران بارین لەشاری سلێمانی گەیشتە 125 ملیمەتر كەلەهەمان بەرواری ساڵی ڕابردوودا 70 ملیمەتر باران هەبوە.
دارا حەسەن فەرەج ئەوەشی خستەڕوو ئەگەری هەیە لەدوو رۆژی داهاتوودا شەپۆلێكی تری باران بارین ڕووی لەناوچەكانی هەرێمی كوردستان بكات و بەڕێژەی جیاواز لەناوچە جیاوازەكاندا باران دابارێت.
Kurdish