لەپێناو داكۆكی كردن لە بەرژەوەندی گشتی لە شاری سلێمانی رێگە بەزیادكردنی نرخی تاكسی نادرێت و هەر شۆفێرێك نرخ لەسەر هاوڵاتیان زیاد بكات دەست بەسەر ئوتومبێلەكەیدا دەگیرێت و رووبەڕووی سزایی یاسای دەكرێتەوە ,
قائیمقامیەتی سلێمانی رایدەگەیەنێت هەر شۆفێرێكی تاكسی نرخ لەسەر هاوڵاتیان زیاد بكات لێپرسینەوەی توندی لەگەڵدا دەگرێت و دەست بەسەر ئوتومبێلەكەیدا دەگیرێت , ئاماژە بۆ ئەوەش دەكات هەفتانە بڕی پێویستی بەنزین بەنرخی 500 دینار بۆ شۆفێرانی تاكسی دابین دەكرێت و هیچ هۆكارێك نیە بۆ زیاد كردنی نرخ ,
قائیمقامیەتی سلێمانی راشیدەگەیەنێت لیژنەی هاتوچۆی سەر بە لیژنەهاوبەشەكانی قائیمقامیەتی سلێمانی رۆژانە بەدواداچون بۆ نرخی تاكسی دەكات و هەر شۆفێرێك نرخ زیاد بكات لەسەر فەرمانی قائیمقامی سلێمانی لەلایەن لیژنەكەوە دەست بەسەر ئوتومبێلەكەیدا دەگرێت و سەرباری ئەوەش رووبەڕووی سزایی یاسایی دەكرێتەوە ,
قائیمقامیەتی سلێمانی داواش لە هاوڵاتیان دەكات لەكاتی زیادكردنی نرخی تاكسیدا دەست بەجێ لە رێگەی ئەم ژمارانەوە(07701450755-07705487171-07704885252) لیژنەهاوبەشەكان ئاگادار بكەنەوە بۆ ئەوەی لە زووترین كاتدا بەدواداچون بكرێت و سزای ئەو شۆفێرانە بدرێت كە بەبێ هیچ هۆكارێك نرخ لەسەر هاوڵاتیان زیاد دەكەن.
Kurdish