لە بارەی نرخی بەنزینەوە، د.عزەت سابر سەرۆكی لیژنەی دارایی و ئابووری و وەبەرهێنان لە پەرلەمانی كوردستان روونكردنەوەیەك بڵاودەكاتەوە.
لە روونكردنەوەكەدا هاتووە: حكومەتی هەرێمی كوردستان لەهەر لیترێك بەنزین 500 دینار قازانج دەكات، لەم قەیرانی دارایی و بێ مووچەییە ئەم بڕە قازانجە زۆرە، بۆیە پێویستە حكومەتی هەرێم نرخی بەنزین هەرزان بكات و هەر نەبێت وەك كەركوك لیترێك بدات بە 800 دینار
دەقی روونكردنەوەكە:
پەیامێك لە د.عزەت سابر اسماعیل بۆ:
حكومەتی هەرێمی كوردستان
خەڵكی بەشەرەفی كوردستان
“تێچوونی لیتریك بەنزین لە هەرێمی كوردستان 400 دینار و بەس”.
لە ئێستادا كۆمپانیاكانی بەرهەمهێنانی نەوت لە كوردستان، نەوت بەرهەمدەهێنن و لەژێر سەرپەرشتی حكومەتی هەرێمی كوردستان نەوتەكە هەناردە دەكرێت و بەشێكی دەپاڵێورێت، بەرمیلێك نەوتی خاوی ستاندەرد بڕەكەی 160 لیترەو كە دەپاڵێورێت 7 لیتری دەفەوتێت و 153 لیتری دەمێنێتەوەو دەبێت بە بەرهەمەكانی نەوت و گازو بەنزین و نەوتی رەش، بۆ هەر بەرمیلێك نەوتی خاو 30$ دەدرێتە كۆمپانیاكان و 17$ دەدرێتە پاڵاوگەكان و 3$ بۆ گواستنەوە، واتە 30+17+3=50$
50$153 لیتر = 33 سەنت * 1200 دینار = 400 دینار
بۆیە حكومەتی هەرێمی كوردستان لەهەر لیترێك بەنزین 500 دینار قازانج دەكات، لەم قەیرانی دارایی و بێ مووچەییە ئەم بڕە قازانجە زۆرە، بۆیە پێویستە حكومەتی هەرێمی كوردستان نرخی بەنزین هەرزان بكات و هەر نەبێت وەك كەركوك لیترێك بدات بە 800 دینار.
د. عزەت سابر اسماعیل
سەرۆكی لیژنەی دارایی و ئابووری و وەبەرهێنان
لە پەرلەمانی كوردستان
ز.ر