لەپارێزگای سلێمانی بڕیاری نوێ لە بارەی هاودەركردنی ئەو بەروبوومانە دەدرێت كە مانگانە لەرێگەی خاڵە سنورییەكانەوە دەهێندرێتە ناوەوەی هەرێم و بەپێی بڕیارەكەش گۆڕانكاری لە رێژەی هاودرەكردنی ئەو بەروبومانەدا دەكرێت و بەرەچاوگرتنی رێژەی بەروبومی ناوخۆیی رێكدەخرێت ,
ئاوات محەمەد قائیمقامی سلێمانی بڕیاردرا پێداچونەوە بەرێژەی هاوردەكردنی بەروبومی دەرەكیدا بكرێت و بەپێی خواستی هاوڵاتیان و گۆڕانكاری وەرز رێگە بەهاوردەكردنیان بدرێت و كارئاسانی پێویستیش پێشكەش بە بازرگانان بكرێت ,
پاش تاوتوێكردنی رێژەی بەرهەمهێنانی بەروبومی ناوخۆیی و ئەو بەرهەم و خۆراكانەی كە لە دەرەوە هاوردە دەكرێت بڕیاردرا رێژەی هاوردەكردنی بەروبوم بۆ مانگی ئەیلول بەم جۆرە رێكبخرێت , رێگە بەهاوردەكردنی 800 تۆن مریشكی بدرێت بە مەرجێك ساغكردنەوەی رێژەی 10% بەروبومی ناوخۆی مریشك رەچاوبگرێت و هەروەها رێگە بە هاوردە كردنی 300 تۆن ماسی بدرێت و گۆشتی سوریش بە پێی پێویستی و خواستی هاوڵاتیان رێگە بەهاوردەكردنی بدرێت ,
لە بەشێكی تری كۆبوونەوەكەدا ئاماژە بۆ ئەوەكرا وەزارەتی كشتوكاڵی حكومەتی هەرێم دەستخۆشی لە لێپسراوانی پارێزگای سلێمانی كردووە لە بەرامبەر ئەو هاوسەنگیەی كە پەیڕەوی دەكات لە رێژەی بەروبومی دەرەكی و ناوخۆیدا و پێشنیازی كردووە كە سود لەو ئەزمونە وەربگیرێت لە هەردوو پارێزگاكەی تری هەرێم,
قائیمقامی سلێمانیش رایگەیاند بەبەردەوامی چاودێری هەموو ئەو خواردن و بەروبومانەدا دەكرێت و لەكاتی پێویستدا و بە رەچاوگرتنی بەروبومی ناوخۆیی و بەپێی خواستی هاوڵاتیان گۆڕانكاری لە رێژەی هاوردەكردنیان دەكرێت.
راگەیاندنی قائیمقامیەتی سلێمانی
Kurdish