گەنەل ئێنێرجی: گازی کوردستان هەناردەی تورکیا دەکەین

رۆژی پێنجشەممە تۆنی هایوارد سەرۆکی جێبەجێکاری کۆمپانیای گەنەل ئێنێرجی تورکی رایگەیاند: ئاستی بەرهەمهێنانی نەوتی کۆمپانیاکە لە باشووری کوردستان تا کۆتایی ئەمساڵ بەرزدەبێتەوە بۆ 400 هەزار بەرمیل نەوتی خاو لە رۆژێکدا.

هایوارد لەمیانی بەشداریکردنی لە کۆنگرەی وزە لە شاری ئیستەنبوڵی تورکیا ئاماژەی بەوەشکرد، گەنەل ئێنێرجی ئێستا ئاستی بەرهەمهێنانی بەرزکردووەتەوە بۆ 250 هەزار بەرمیل نەوت.

هەروەها ئاماژەی بەوەشداوە لە زستانی ساڵی 2017 هەناردەکردنی یەکەم کاروانی گواستنەوەی گازی سروشتی باشووری کوردستان بۆ تورکیا دەستپێدەکات بە تێکڕای 4 ملیار مەتر چوارگۆشە لە ساڵێکدا و ئەو رێژەیەش بۆ ساڵی 2020 بۆ 10 ملیار مەتر چوارگۆشە بەرزدەبێتەوە.

 

ز.ر