باڵی سه‌ربازیی بزووتنه‌وه‌ی حه‌ماس دوو مووشه‌كی نوێی به‌ره‌و ئیسرائیل ته‌قاند، كه مه‌وداكه‌ی ده‌گاته 80 كیلۆمه‌تر. هاوكات له بۆردومانه‌كانی سوپای ئیسرائیلیشدا بۆ سه‌ر كه‌رتی غه‌ززه شه‌ش كه‌س كوژران، كه دوانیان منداڵن.
له‌كاتێكدا سوپای ئیسرائیل كرده‌وه سه‌ربازییه وشكانی و ئاسمانییه‌كانی بۆسه‌ر كه‌رتی غه‌ززه زیاتر كردووه، كه‌تیبه‌كانی قه‌سام كه باڵی سه‌ربازیی سه‌ر به بزووتنه‌وه‌ی حه‌ماسه، دوو مووشه‌كی ئاراسته‌ی ناوچه‌ی هرترزلیای باكو‌وری ئیسرائیل كرد، كه مه‌وداكه‌ی ده‌گاته 80 كیلۆمه‌تر، به‌ڵام به‌پێی هه‌واڵێكی سكای نیوز، سیستمی به‌رگریی دژه مووشه‌كی ئیسرائیل له ئاسماندا مووشه‌كه‌كانی ته‌قاندووه‌ته‌وه.
Kurdish