ئەمشەو بەسەدان خێزانى ئاوارە روویان لە پارێزگاى سلێمانى کردووە

بەهۆى چڕبوونەوەى شەڕو پێکدادانەکانى نێوان چەکدارانى داعش و هێزەکانى پێشمەرگە و تێکچونى باردۆخى چەندین ناوچەوە ئەمشەو 7/8-8، بە سەدان خێزانى کورد و عەرەب لە مەخمور و ناوچەکانى ترى عێراق و هەرێمى کوردستانەوە پاش ئەوەى بەهۆى هەڕەشەو مەترسیەکانى چەکدارانى داعشەوە ناوچەکانى خۆیان بەجێ هێشتووە و روویان کردووەتە سنورى پارێزگاى سلێمانى ،

 

بەمەبەستى بەهاناوەچونى ئەو خێزانە ئاوارانە و دابین کردنى پێداویستیەکان بۆیان ئەمشەو بەهرۆز محەمەد  ساڵەح پارێزگارى سلێمانى و ئاوات محەمەد قائیمقامى سلێمانى  و لێپسراوانى پەیوەندار لە دیوانى قائیمقامیەتى سلێمانى کۆبوونەوە و بڕیاردرا کە هاوکارى و کارئاسانى پێویست پێشکەش بە هەموو ئەو خێزانانە بکرێت کە لە ترسى هەڕەشەکانى چەکدارانى داعش روویان لە سنورى پارێزگاى سلێمانى کردووە و رایانگەیاند کە پارێزگاى سلێمانى وەک هەمیشە پێشوازى لەو خێزانانەدەکات کە ئاوارەبوون و ماڵى جێگەى خۆیان بەجێ هێشتووە ، ئاماژە بۆ ئەوەش کرا لایەنەپەیوەندیارەکانى حکومەت راسپێردراون کە هەر ئەمشەو هاوکارى پێویست پێشکەش بەو خێزانانە بکرێت و بگوازرێنەوە بۆ کەمپەکان و جێگا و هەموو پێداویستیەکانى ژیانیان بۆ دابین بکرێت.

 

ز.ر