وه‌زاره‌تی نه‌وتی عێراق ڕه‌تیكرده‌وه، نرخی یه‌ك لیتر به‌نزین له(450) دیناره‌وه، بۆ (750) دینار به‌رزبووبێته‌وه.
ئاژانسی هه‌واڵی فورات نیوز له‌زاری (عاسم جیهاد) وته‌بێژی وه‌زاره‌تی نه‌وتی عێراقه‌وه بڵاویكرده‌وه، وه‌زاره‌تی نه‌وت هه‌واڵی به‌رزبوونه‌وه‌ی نرخی یه‌ك لیتر به‌نزین، له(450) دیناره‌وه بۆ (750) دینار ڕه‌تده‌كاته‌وه، وتیشی:”ئه‌گه‌ر نرخی به‌نزین به‌رزببێته‌وه، وه‌زاره‌تی نه‌وت له‌به‌یاننامه‌یه‌كدا ئه‌و هه‌واڵه‌‌و هۆكاره‌كانی به‌رزبوونه‌وه‌ی نرخی به‌نزین، بۆ خه‌ڵكی ڕوونده‌كاته‌وه”.
پێشتر هه‌ندێك له‌ڕاگه‌یاندنه‌كان بڵاویانكرده‌وه، حكومه‌تی عێراق بڕیاریداوه نرخی یه‌ك لیتر به‌نزین، له(450) دیناره‌وه بۆ (750) دینار به‌رزبكاته‌وه.
Kurdish