لەگەڵ نزیك بوونەوەی جەژنی ڕەمەزانی پیرۆز بەمەبەستی كۆنتڕۆڵكردنی نرخی تاكسی لیژنە هاوبەشەكانی قایمقامیەت سزای ئەو شوفێرانە دەدەن كە نرخ بەرزدەكەنەوە
لە ڕاگەیەندراوێكی قایمقامیەتی سلێمانیدا هاتوە” دوای دیارییكردنی نرخی بەنزین لە هەرێمی كوردستان كە بۆ ئوتومبێلی تایبەت لە 500 دینارەوە كرایە 800 دینار بۆ هەر لیترێك و بڕیاردرا بۆ ئوتومبێلی تاكسی و پاس نرخەكە وەك و خۆی بمێنێتەوە بە 500 دینار ئەویش بەو مەبەستەی كە نرخی گواستنەوەی هاوڵاتیان بەرز نەكرێتەوە , لیژنە هاوبەشەكانی قائیمقامیەتی سلێمانیش رایدەگەیەنێت بەدواداچونی تەواو بۆ نرخی گواستنەوەی هاوڵاتیان دەكەن و هەر شۆفێرێك نرخ بەرزبكاتەوەرووبەڕووی سزا دەكرێتەوە
لای خۆشیەوە سۆران عەبدولغەفور سەرۆكی لیژنە هاوبەشەكانی قائیمقامیەتی سلێمانی رایدەگەیەنێت لە پێناو داكۆكی كردن لە بەرژەوەندی گشتی هاوڵاتیاندا رێگە بە بەرزبوونەوەی نرخی گواستنەوە نادەین و لیژنەكان رۆژانە بەووردی بەدواداچون بۆ نرخەكان دەكات, داواشی لە هاوڵاتیان كرد كە هەر شۆفێرێكی تاكسی نرخی زیادی وەرگرت لیژنەهاوبەشەكانی لێ ئاگادار بكەنەوە ئەویش لە رێی ژمارە تەلەفونەكانی ٠٧٧٠١٤٥٠٧٥٥یاخود ٠٧٧٠٥٤٨٧١٧١
Kurdish