بەهۆی داعشەوە كۆمپانیایەك ناوی خۆی دەگۆڕێت

 كۆمپانیای ئایسیس، كە كۆمپانیایەكی بەناوبانگی تایبەت پشتگیری ئامێرە زیرەكەكانە، لە زاری مایكڵ ئاپۆت، بەڕێوەبەری گشتی كۆمپانیاكە رایگەیاند: نایانەوێت لەگەڵ داعش یەك ناویان هەبێت، بۆیە بە دەنگی زۆرینەی ئەندامانی دەستەی بەڕێوەبەری كۆمپانیاكە، بڕیاریان داوە ناوی كۆمپانیاكەیان بگۆڕن. بەڵام ئاپۆت ئاشكرای نەكرد چ ناوێكی دیكە دەنێن لە كۆمپانیاكەیان.

كۆمپانیای ئایسیس لە بواری ئەلكترۆنیدا كاردەكات و چەند ئەپلیكەیشنێكی گەورەی ئابوری لە ئەمریكا و ئەوروپا بەرێوە دەبات، وەك (Google Wallet) و (PayPal)، كە بەو دوو ئەپلیكەیشنە چیتر پێویست بە هەڵگرتنی پارە یان كریدیت كارد نییە، بەلًكو دەتوانیت لە رێگەی مۆبایلەكەتەوە بازاڕ بكەیت و تكتی فڕۆكە و شەمەندەفەریش بكڕیت.

چوار پیتی سەرەتای وشەكانی (Islamic State in Iraq and Sham) دەوڵەتی ئیسلامی لە عێراق و شام (ISIS) هەمان پیتەكانی سپێڵی كۆمپانیای ئایسیسە، بۆیە دەیانەوێت ناوەكەیان بگۆڕن.