له ڕاپۆرتێکی شیکاری که‌له‌لایه‌ن لوکاس هێرمان تایبه‌ت بۆ دویتچه بانک که گه‌وره‌ترین بانکه له ئه‌ڵمانیا ئاماده‌کراوه تیشکیان خستووه‌ته سه‌ر کۆمپانیای گێنێل ئینێرجی تورکی و بازاڕی هه‌نارده‌کردنی نه‌وتی هه‌رێمی کوردستان ده‌ڵێت ” دوای چه‌ند هه‌فته‌یه‌ک له‌وه‌ی یه‌که‌م که‌شتییه نه‌وتی هه‌رێمی کوردستان به‌نده‌ری جه‌یهانی به‌جێهێشت ، دوایین پێشهاته‌کان پێمان ده‌ڵێن که بازاڕه‌کانی هه‌نارده‌کردن کراونه‌ته‌وه ، سه‌ڕه‌ڕای ململانێ هه‌رێمییه‌کان و هه‌ڕه‌شه‌ی هه‌نگاوی یاسایی له‌لایه‌ن به‌غدا-ه‌وه،به‌ڵام ده‌سکه‌وتی گرنگ به‌ده‌ستهاتوون”.
له درێژه‌ی ڕاپۆرته‌که‌دا ده‌ڵێت ئه‌و ده‌سکه‌وته‌ی به‌ده‌ست هاتوون ، یه‌که‌میان فرۆشتنی دوو تانکه‌ری نه‌وتی یه‌ک ملیۆن به‌رمیلی و چاوه‌ڕوان ده‌کرێت سێیه‌م و چواره‌میش بێن به‌دوایدا ، دووه‌مینیان حکومه‌تی هه‌رێم پاشه‌که‌وتکردنی پاره‌که‌ی له هالک بانک پشتڕاستکرده‌وه ، سێیه‌مینیان ڕه‌تکردنه‌وه‌ی داواکه‌ی وه‌زاره‌تی نه‌وتی عێراق له‌لایه‌ن دادگای فیدڕاڵییه‌وه”.
Kurdish