لەسلێمانی شەش تانکەر بانزین و 92 بتل غاز دەستی بەسەردا گیرا

 ئاسایشی سلێمانی رایدەگەیەنێت توانیویانە دەستبگرن بەسەر ئەو سوتەمەنیانەدا کە چەندکەسێک ویستویانە بیبەنە دەرەوەی سلێمانی و قەیدران دروستبکەن.

 

لەڕاگەیەندراوەکەدا کەوینەیەکی بۆسایتی ژوری بازرگانی نیردراوە ئاماژەبەوەدەکات” بەمەبەستى بنبڕکردن و نەهێشتنى بردنەدەرەوە و بازرگانی کردنى نایاسایی  بە هەموو جۆرە سوتەمەنیەکەوە ، لەم کاتەدا کە هەرێمى کوردستان و عێراق بە بارو دۆخێکی  ناهەموواردا تێ دەپەرێت ، وەبەرگرتن بە نەقۆزتنەوەى ئەم بارودۆخە ئێستا و چاوجنۆکى هەندێک کەس ، کە زیانى بۆ سەر ژیانى هاوڵاتیان و کۆمەڵگاو ئابووری هەرێمی کوردستان ئەبێت ، پاش وەرگرتنى بڕیاری بەڕێز دادوەری لێکۆڵینەوەى ئاسایشی سلێمانى ، مەفرەزەکانی ئاسایشى سلێمانى ، لە سێ چالاکی جیاجیادا لە بازگەکانى  شاری سلێمانى و ناوشاری سلێمانیدا لەڕۆژانى  22 و 23 /6/2014 توانیان دەستبگرن بەسەر شەش  تانکەر بانزیندا کەسەرجەمیان بڕی (2160000 ) دوو ملیۆن و سەدوو شەست هەزار لیتر بەنزینیان بارکردبوو بە نیازبوون بەنایاسایی و بە قاچاخ بیبەنە دەرەوەی هەرێمی کوردستان و بەگران بیفرۆشنەوە”