گوندی ڤیگانیلا له وڵاتی ئیتالیا ده‌كه‌وێته ناو دۆڵێكه‌وه كه چیای به‌رز ده‌وریداوه، به‌و هۆیه‌وه چه‌ند مانگێكی زستان خۆر لێینادات، به‌ڵام له‌رێگه‌ی ئاوێنه‌یه‌كه‌ی گه‌وره‌وه ئێستا به‌درێژایی ساڵ خۆره‌تاوه.
ئه‌ندازیار جیاكامۆ بۆنزانی، توانی ئه‌م كێشه‌یه چاره‌سه‌ر بكات، ئه‌ویش له رێگای دروستكردنی ئاوێنه‌یه‌كی گه‌وره‌وه كه تیشكی خۆر كۆده‌كاته‌وه‌و ئاراسته‌ی گوندوكه‌ی ده‌كات و ئێستا دانیشتوانی ئه‌و گونده خۆشییه‌كی زۆر له‌گه‌رم و گوڕیی ئه‌و خۆره‌تاوه ده‌بینن.
رووبه‌ری ئاوێنه‌كه 40 مه‌تر دووجایه‌و 870 مه‌تر له گونه‌كه‌وه به‌رزه، به‌هۆی ئامێرێكی ئه‌لیكترۆنیه‌وه ده‌سوورێته‌وه و ئاوێنه‌كه ئاراسته ده‌كات به‌گوێره‌ی پێگه‌ی خۆر، ئه‌م پرۆژه‌یه 100 هه‌زار یۆرۆی تێچووه، دانیشتوانی گونده‌كه كه 185 كه‌سن شانازیی پێوه‌ده‌كه‌ن.
Kurdish