بەهۆی رووداوەكانی ئەم دواییە ناوچەكانی ناوەراستی عێراق ، چەند رۆژێكە لە شارەكانی هەرێمی كوردستان سەوزەو میوەكان نرخیان بەرزبۆتەوە ، بە تایبەت ئەو میوەو سەوزانەی لە شارەكانی ناوەراستی عێراقەوە بەرەو كوردستان دەهێندران .
سەرچاوەیەك لە گومرگی سلێمانی بە كوردیوی راگەیاند كە نرخی تەماتە بەشێوەیەكی زۆر بەرزبۆتەوە بە رادەیەك كە لە 400 دینارەوە بۆ 1500 دینارە .
ئەو سەرچاوەیە ئاماژەی بەوەكرد كە هۆكارەكەی بۆ ئەوە دەگەرێتەوە لە بەرواری 2014/6/1 تەماتەی ئێران و توركی قەدەغەكرا بەهۆی پێگەیشتنی بەرهەمی شارەكانی عێراق و لە چەند هەفتەی رابردوو بەرهەمی تەماتە لە شارەكانی دیالەو سامەراوە بەرەو شارەكانی كوردستان دەهێندرا ، بەڵام لەم هەفتەیەو بەهۆی تێكچوونی بارودۆخ و شەرەوە ناتواندرێت بەرهەمی تەماتە وەك پێویست بهێندرێت و ئەمەش بۆتە هۆی ئەوەی نرخەكەی بەرز بێتەوە .
شەرو روداوەكانی ئەم دواییە عێراق جگە لە بەرزبونەوەی نرخی تەماتە ، كاریگەری كردۆتە سەر زۆرێكیتر لە میوەو سەوزەكان .
Kurdish