ئاژانسی رۆیتەرز لەزاری چەند سەرچاوەیەكەوە لەكۆمپانیای فۆرد بڵاویكردەوە كەفۆرد بەهاوبەشی كۆمپانیای هاینز كەتایبەتمەندە لەپیشەسازی دروستكردنی كەچەب بەبەكارهێنانی ریشاڵی تەماتە هەوڵی دروستكردنی ئۆتۆمبیلی نوێ دەدات.
فۆرد دەیەوێ بەبەكارهێنانی پاشماوەی توێكڵە تەماتە كاربكات بۆ دروستكردنی بەشە پلاستیكییەكانی ئۆتۆمبیل و بەكارهێنانی لەجیاتی بەشە كیمیاییە پلاستیكییەكان.
شارەزایانیش رایدەگەیەنن كەئەو مادە پلاستیكییانەی كەرەچەڵەكەكانیان رووەكییە بوار دەدەن بەكەمكردنەوەی زیانەكانی سەر ژینگە.
لەوبارەیەوە (ئەلین لی) شارەزای بوارەكە رایگەیاندوە كەمادە نوێیەكان بوار دەدەن بەدیزاینكردنی بەشەكانی ناوەوەی ئۆتۆمبیلەكە و چەند بەشێكی ژێر مەكینە و خوار هەیكەلی ئۆتۆمبیلەكە چونكە شێوازی دەرەوەی لێ دروست ناكرێت.
شارەزاكە رایگەیاندوە بەكارهێنانی ریشاڵەكانی تەماتە یەكێكە لەئەركە سەرەكییەكانی كۆمپانیاكە و لەئێستاشدا بیر لەوەكراوەتەوە كەچەند بەشێكی ئۆتۆمبیلەكانی لەبوندوق و برنج و دار دروست بكرێت.
Kurdish