سبەینێ لە شاری سلێمانی پێشانگای بازرگانی تایبەت بە پارێزگاكانی باكوری ئێران لەژێر چاودێری حكومەتی هەرێم وبە هاوكاری ژوری بازرگانی دەكرێتەوە.
![](/image2/24-YAD/mazndaran-1.jpg)
![](/image2/24-YAD/mazndaran-2.jpg)
![](/image2/24-YAD/mazndaran-4.jpg)
دوابەدوای كۆنفرانسەكەش سەردانی دیوانی پارێزگای سلێمانیان كردوو لەلایەن بەهرۆز محەمەد ساڵح پارێزگاری سلێمانییەوە پێشوازیان لێ كرا.
لە دیدارێكدا كە ژمارەیەك لە بەڕێوەبەرە ئیدارییەكانی پارێزگای سلێمانی و ژووری بازرگانی سلێمانی ئامادەی بوون، گەشەپێدانی پەیوەندییەكانی نێوان پارێزگای سلێمانی و پارێزگای مازندەران و ئیلام تاوتوێكرا.
هاوكات جێگری پارێزگاری مازندەران، ئاماژەی بۆ ئەوە كرد”دەیانەوێت پەیوەندیی و هەماهەنگییەكانیان لە بواری بازرگانی و گەشتیاری و ئاڵوگۆڕی ئەزمووندا” لەگەڵ پارێزگای سلێمانی گەشەپێ بدەن.
![](/image2/24-YAD/mazndaran-5.jpg)
لەبەرامبەردا پارێزگاری سلێمانی وێڕای بەخێرهاتنی وەفدەكە، تیشكی خستەسەر گەشەكردنەكانی پارێزگای سلێمانی و پەیوەندییە مێژووییەكانی هەرێمی كوردستان و كۆماری ئیسلامی ئێران.
بەهرۆز محەمەد صاڵەح رایگەیاند: لە بواری گەشتیاری و پیشەسازیدا سلێمانی گەشەكردنێكی باشی بە خۆیەوە دیووەو تەئكیدی كردوە، سلێمانی و مازندەران دەتوانن لەبواری گەشتیاریدا هەماهەنگی و هاوكاری بكەن.
هەر لەكۆبوونەوەكەدا پارێزگاری سلێمانی لەبارەی بارودۆخی مەرزە رەسمیەكانەوە رایگەیاند: بەهۆی رێكەوتننامەكانی لێكگەیشتنی پارێزگای سلێمانی و پارێزگا هاوسنورەكانی كۆماری ئیسلامی ئێران زۆربەی كێشەی خاڵەسنورییەكان چارەسەركراوەو تەنیا كێشەی گواستنەوەی یەكسەرەی كاڵاكان ماوە كە ئەویش لە هەوڵی چارەسەركردنیداین و بە پێكهاتنی كابینەی نوێی حكومەتی هەرێم ئەو كێشەیەش چارەسەر دەبێت.
![](/image2/24-YAD/mazndaran-6.jpg)