بەپێى ئامارێکى بەڕێوەبەرایەتى کشتوکاڵى سلێمانى لە سنورى پارێزگاى سلێمانیدا زیاتر لە چوار هەزار خانوى پلاستیکى هەیە کە بەرهەمەکانیان بەردەوام لەبازارەکاندا دەفرۆشرێت.
بەپێى ئەو ئامارەى لەلاى ژورى بازرگانیە و لەلایەن کشتوکاڵى سلێمانى و بەشى خانوە پلاستیکیەکان وەرگیراوە لە سنورى پارێزگاى سلێمانیدا 4365 ژوورى پلاستیکى هەیە کە 555 جوتیار خاوەندارێتى دەکات و بەرهەمەکانیان بەردەوام لەبازاڕدایە.
ئامارەکە ئاماژەى بەوەشداوە بەرهەمى ئەم خانوە پلاستیکیانە لە 1/5 وە دەردەچێت کە پێکهاتووە لە تەماتە و خەیار و بیبەر و چەند بەرهەمێکى دیکە کەئەم بەرهەمانە لە بازاڕەکانى هەرێمى کوردستاندا دەفرۆشرێن و ساغ دەکرێنەوە.
ماوەى چەند ساڵێکە لە هەرێمى کوردستاندا وەزارەتى کشتوکاڵ هاوکارى ئەو جوتیارانە دەکات کە خانوى پلاستیکى بەرهەم دێنن و تیایدا کارى بەرهەم هێنانى میوە و سەوزە دەکەن.
ز.ر
Kurdish