ژوری بازرگانی و پیشەسازی سلێمانی لە ساڵیادی رۆژنامەگەری كوردیدا خەڵاتی رۆژنامەنوسان دەكات

بەڕێزان ڕاگەیاندكارانی كەناڵە بینراو بیستراو نوسراوەكان..

 

بە ناوی ژووری بازرگانی‌و پیشەسازی سلێمانی‌و سەرۆك‌و ئەندامانەوە بەخێرهاتنێكی گەرمتان دەكەین، بەخێربێن سەرچاومان. بە پێویستمان زانی لە ساڵیادی 116 ساڵەی ڕۆژنامەگەری كوردیدا لە مەراسیمێكی شایستەدا وەك بەشێك لە ئەرك‌و كارەكانمان سوپاس‌و پێزانین‌و ئەركوو ماندووبوونی هەموو كەناڵەكانی ڕاگەیاندن بكەین، كە لە چەند ساڵی ڕابوردوو داو بەردەوام   لەگەڵمان بوون بۆ گواستنەوەی هەواڵ‌و كارو چالاكییەكانمان بۆ بازرگانان‌و هاوڵاتیان،  ڕاگەیاندن لەم سەردەمەی ئێستا ڕۆڵێكی گرنگ‌و ئەرك‌و بەپرسیارێتییەكی گەورەیان لە سەر شانە ئەویش ئەوەیە كە لەهەموو ڕووداوەكاندا ئامادەبن‌و ڕاستگۆیانە ئەو ڕووداوانە بۆ هاوڵاتیان بگوێزنەوە،

دووبارە سوپاستان دەكەین‌و ئەركو ماندووبونتان بەرز دەنرخێنین وەهیوای سەركەوتن‌و بەردەوامیتان بۆ دەخوازین لە كارەكانتاندا.

وەسوپاسی ئەو ڕاگەیاندكارانەش دەكەین كە ئامادەییان هەبووە لە گواستنەوەی كاروچالاكییەكانماندا‌و بیرمان نەبووەو لە بیرمان چووە لەم مەراسیمەدا، لێرەوە سوپاسیان دەكەین‌و بەڵێنیان پێدەدەین لە ئایندەدا لە مەراسیمی شایستەدا ئەركو ماندوو بوونی ئەوانیش بەرز بنرخێنین.