مالیكى 50 ملیۆن دۆلار بۆ بانگه‌شه‌ى هه‌ڵبژاردن ته‌رخان ده‌كات

ماڵپه‌ڕى تۆڕى هه‌واڵى عێراقی بڵاوى كرده‌وه‌ كه‌ ده‌وڵه‌تى یاسا به‌سه‌رۆكایه‌تی نورى مالیكى په‌ناى بۆ چه‌ند كۆمپانیایه‌كى نێوده‌وڵه‌تى تایبه‌ت به‌ راگه‌یاندن و ریكلامكردن بردووه‌ به‌ تایبه‌ت كۆمپانیاى ئۆمنیكۆم به‌مه‌به‌ستى به‌ستنى گرێبه‌ست بۆ ئه‌وه‌ى ئه‌و كۆمپانیایانه‌ سه‌رپه‌رشتى پرۆسه‌ى ڕیكلامكردن و بانگه‌شه‌ى هه‌ڵبژاردنى بۆ بكه‌ن.

مالیكى بۆ بانگه‌شه‌ى هه‌ڵبژاردن بڕى 50 ملیۆن دۆلاری ته‌رخان كردووه‌ و بڕیاریشه‌ ئه‌و كۆمپانیانه‌ له‌ ڕێگه‌ى چه‌ند كه‌ناڵێكى ئاسمانى شیعى و سونی و عه‌ره‌بییه‌وه‌ بانگه‌شه‌ى هه‌ڵبژاردن بۆ مالیكی و لیسته‌كه‌ى بكات به‌مه‌به‌ستى ڕاكێشانى سه‌رنجى هاووڵاتییان و كۆكردنه‌وه‌ى زۆرترین ده‌نگ بۆ لاى خۆى و لیسته‌كه‌ى.