بەمەبەستی كۆكردنەوەی هاوكاری بۆ كوردانی ڕۆژئاوا گروپی هاوكاری ڕۆژئاوای كوردستان سەردانی ژوری بازرگانی و پیشەسازی سلێمانیانكردوو داوایانكرد هاوكاریانبكرێت.
سەرۆكی ژوری بازرگانی و پیشەسازی سلێمانی سیروان محەمەد و ژمارەیەك لە ئەندامانی ئەنجومەنی ژوری بازرگانی پێشوازیانكرد لە گروپی هاوكاری ڕۆژئاوای كوردستان كە داوایاندەكرد ژوری بازرگانی و پیشەسازی سلێمانی هاوكاریانبكەن بۆ گەیاندنی هاوكاری بە مندالانی ڕۆژئاوا كە لە ئێستادا زۆر پێویستیان بەخۆراكە و بەتایبەت شیری مناڵان.
ژوری بازرگانی و پیشەسازی سلێمانیش بەڵێنیدا كە بەپێی سیستمی هاوكاری ژوری بازرگانی كاردەكەن بۆئەوەی بتوانن هاوكاری كوردانی ڕۆژ ئاوابكەن كە وەك لەماوەی رابردودا پارە و خۆراك و شتومەكیان ڕەوانەی ڕۆژئاواكردووە و بەردەوام هاوكاری كوردانیانكردووە لە پارچەكانی دیكەش.
لای خۆشیەوە شۆڕش ئەمین ئەندامی گورپی هاوكاری ڕۆژئاوای كوردستان وتی ئێمە گەشبینین بەوەی ژوری بازرگانی هاوكاری گروپەكەمان دەكات وەك ئەوەی لەماوەی ڕابردودا هاوكاری كراوین.
Kurdish