سەرۆكی یەكێتی هەناردەكردنی باشووری رۆژهەڵاتی ئانادۆڵ رایگەیاند: لە سێ مانگی یەكەمی ئەمساڵدا ئاستی هەناردە لە ناوچە كوردییەكان لە چاو ساڵی پار 3.5% زیادیكردووە. عەبدولقادر چكماز سەرۆكی یەكێتی هەناردەكردنی باشووری رۆژهەڵاتی ئانادۆڵ رایگەیاند: لە سێ مانگی یەكەمی ئەمساڵدا، ئاستی هەناردەكردنی شمەك لە ناوچە كوردییەكان لە چاو ساڵی پار بە رێژەی لە سەدا 3.5 زیادیكردووە. بەو پێیەی بڕی داهاتی هەناردە لەو سێ مانگەدا 2 ملیار و 277 ملیۆن و 819 هەزار دۆلار بووە. چكماز وتیشی: لە هەوڵی تەواودان بۆ بەرەوپێشبردنی كەرتی بازرگانی لەگەڵ وڵاتانی ئەفریقا و یەكێتیی ئەوروپا ئەویش بەوەی ئێستا یەكێتییەكیان لەگەل171 وڵات ئاڵوگۆڕی بازرگانییان هەیە.
gksat
Kurdish