ساڵی رابردوو ته‌نیا له شارێكی رۆژهه‌ڵاتی كوردستانه‌وه بڕی زیاتر له هه‌زار ته‌ن گۆشتی مریشك هه‌نارده‌ی هه‌رێمی كوردستان كراوه.
محه‌مه‌د ساڵح ئه‌حمه‌دی، به‌رپرسی فه‌رمانگه‌ی كشتوكاڵی شاری بانه‌ی رۆژهه‌ڵاتی كوردستان رایگه‌یاند: 71 كێڵگه‌ی په‌له‌وه‌ر له‌و شاره دروستكراون و ساڵانه بڕی 8 هه‌زار ته‌ن مریشك به‌رهه‌مده‌هێنن.
وتیشی: له‌و بڕه 5 هه‌زار ته‌نی بۆ پێداویستی خۆراكی ناوخۆی بانه‌یه و 3 هه‌زار ته‌نی دیكه‌شی هه‌نارده ده‌كرێت و ته‌نیا له‌ماوه‌ی ساڵی رابردوودا زیاتر له هه‌زار ته‌ن مریشك ره‌وانه‌ی هه‌رێمی كوردستان كراوه.
به‌رپرسی فه‌رمانگه‌ی كشتوكاڵی بانه باسی له‌وه‌شكرد ده‌كرێت به پێی پێداویستیه‌كانی هه‌رێمی كوردستان و توانا فراوانه‌كانی بانه له رووی كێڵگه‌ی په‌له‌وه‌ره، چه‌ندین كێڵگه‌ی تری به‌خێوكردنی مریشك له‌و شاره دروست بكرێن و بڕێكی زیاتر ره‌وانه‌ی هه‌رێم بكرێت.
Kurdish