كردنەوەی ژوری بازرگانی دوبەی لە هەولێر

 

هاوكات بەشداریان لە  یادی لەدایكبونی پێغەری ئیسلام محەمەد (د.خ) كرد

پاشانیش لە رۆژی 14/1/2014 ژووری بازرگانی دوبەی بە شێوەیەكی فەرمی لەلایەن پارێزگاری هەولێر و بەرپرسی ئەنجوومەنی كارگێڕی ژووری بازرگانی و پیشەسازی دوبەی كرایەوە و لە ڕێوڕەسمێكدا حەمەد موبارەك بو عەمیم سەرۆكی جێبەجێكاری ژووری بازرگانی و پیشەسازی دوبەی لە لێدوانێكدا وتی هەڵبژاردنی هەولێر بۆ كردنەوەی لقی ئەم ژوورە وەكو یەكەمین لق لە رۆژهەڵاتی ناوەڕاست وسێیەمین لق لە جیهان لە دوای ئازەربایجان و ئەسیوپیا بڕیارێكی ڕاست و دروست بوو وهیوای بەردەوامی پاڵپشتی حكومی لە هەرێمی كوردستان بۆ لقی ئەم ژوورە خواست.

پاشان نەوزاد هادی پارێزگاری هەولێر خۆشحاڵی بە هەنگاوە دەربری و وتی ئەوە نشانەی گرنگیدانی میرنشینی یەكگرتووی عەرەبیە بە هەرێمی كوردستان لەم قۆناغەدا ئەوەش دەبێتە هۆی سوود وەرگرتن لە ئەزموونی بازرگانی و ئابووری ئیمارات. 

ئێوارەی هەمان رۆژ ژوور ئێوارەخوانێكی بۆ شاندی میوان رێكخست و ژمارەیەك لە بازرگانانی هەرێمیش بانگهێشت كران . 

سەرۆكی ژوور لە وتەیەكدا خۆشحاڵی خۆی بە كردنەوەی  ژووری بازرگانی دوبەی لە هەولێر دەربڕی و هیوای سەركەوتنی بۆ خواستن و پاڵپشتی خۆیی و ژووری بۆ دەربڕین .

لە لایەن خۆیەوە سەرۆكی ژووری بازرگانی دوبەی وێرای سوپاسگوزاری بۆ سەروكی ژوور و ئەندامانی دەستەی كارگێری هیوای خواست كە هەماهەنگیەكانی نیوان ژوورەكەیان و ژووری بازرگانی هەولێر زیاتر بەرەو پێش بچێت .

دواتریش ئامادەبوان خۆیان و كارو چالاكیەكانی  خۆیان ناساند و راو سەررنجی خۆیان و چەندین پێشنیاریان بە مەبەستی باشتر كردمی پەیوەندی نێوات كوردستان و ئیمارات بەگشتی و كارا كردنی رۆلی ژوورە بازرگانیەكان خستەروو .  

ژووری بازرگانی دوبەی یەكێكە لە بەهێزترین ژوورە بازرگانیەكانی جیهان، بو پێیەی تەنها لە شەش مانگی یەكەمی ساڵی رابردوودا 7 هەزار و 153 ئەندام بۆ ژوورەكە زیادبوون، لە كۆتایی ساڵی رابردووشدا, ئەندامەكانی ئەو ژوورە گەیشتە 145 هەزار ئەندام، كە لە نێوانیاندا بە دەیان كۆمپانیای جیهانی هەیە.