خوێندكارێكی ڕوسی توانی پاترییه‌كی نوێ به‌رهه‌مبهێنێت كه ده‌توانێت بۆ ماوه‌ی (12) ساڵ به‌بێئه‌وه‌ی بارگاوی (شه‌حن) بكرێته‌وه كاربكات، ئه‌و پاترییه نوێیه له‌بواری (ته‌ندروستی‌‌و گه‌شتی ئاسمانی بۆسه‌ر هه‌ساره‌كان‌و سه‌ربازی) به‌كارده‌هێنرێت.
(دمیتری بروكوبیڤ) خوێندكار له‌زانكۆی (تۆم ته‌كنه‌لۆژیا) له‌ڕوسیا به‌ئاژانسی هه‌واڵی (نۆڤۆستی) ڕوسی ڕاگه‌یاند، ئه‌وه‌ی ئه‌و پاترییه نوێیه له‌پاترییه ئاساییه‌كان جیاده‌كاته‌وه ئه‌وه‌یه ئه‌م پاترییه ماده‌ی سلیكۆنی تێداییه كه تیشكدانه‌وه‌ی نیه‌و ژینگه پیس ناكات، ماده پێكهاتوه‌كانی ئه‌و پاترییه بریتیه له‌ماده‌ی (زه‌ڕنیخ‌و گالیۆم) كه ده‌توانێت گه‌ردیله‌كانی (بیتا) بگۆڕێت بۆ وزه‌ی كاره‌بایی.
ئه‌و خوێندكاره ئه‌وه‌شی ئاشكراكردوه، ئه‌و پاترییه نوێیه ده‌توانێت بۆ ماوه‌ی (12) ساڵ به‌كاربهێنرێت به‌بێئه‌وه‌ی بارگاوی بكرێته‌وه.
Kurdish