یاسین ره‌حیم فه‌ره‌ج: نه‌مانی‌ پاره‌ له‌بانكه‌كاندا كاریگه‌ری‌ كردووه‌ته‌ سه‌ر بواری‌ بازرگانی‌

له‌وباره‌یه‌وه‌ یاسین ره‌حیم فه‌ره‌ج جێگری‌ سه‌رۆكی‌ ژووری‌ بازرگانی‌ و پیشه‌سازی‌ سلێمانی‌‌ رایگه‌یاند: بێگومان نه‌مانی‌ پاره‌ له‌بانكه‌كاندا كاریگه‌ری‌ هه‌یه‌ له‌سه‌ر بارودۆخی‌ بازرگانی‌ و بازاڕو ئیش و كاره‌كانی‌ هاوڵاتیان، بووته‌ هۆی‌ وه‌ستانی‌ پێشینه‌ی‌ وه‌به‌رهێنه‌ران و هه‌روه‌ها خه‌ڵكێك هه‌یه‌ فه‌رمانبه‌رو موچه‌خۆره‌و تائێستا موچه‌ی‌ وه‌رنه‌گرتووه‌، ئه‌مه‌ش كاریگه‌ری‌ هه‌یه‌ له‌سه‌ر بازاڕه‌كان.

یاسین ره‌حیم فه‌ره‌ج وتیشی‌: له‌داهاتوودا ئه‌مه‌ ده‌بێته‌ هۆی‌ كه‌م بوونه‌وه‌ی‌ متمانه‌ی‌ هاوڵاتیان به‌بانكه‌ حكومییه‌كان و ده‌بێته‌ هۆی‌ ئه‌وه‌ی‌ نه‌وێرن پاره‌كانیان له‌بانكی‌ حكومیدا دابنێن له‌ترسی‌ نه‌مانی‌ پاره‌ له‌وبانكانه‌دا.