وێنە وڤیدیۆ.. ژوری بازرگانی وپیشەسازی سلێمانی بەشداری لە كردنەوەی” سیتی سەنتەر” كرد

مەراسیمی كردنەوەی سیتی سەنتەری سلێمانی بە خوێندنەوەی چەند ئایەتێك لەقورئانی پیرۆزدەستی پێكرد و ،دواتر لەگەڵ سرودی ئەیرەقبدا ئامادەبوان خولەكێك بۆ گیانی پاكی شەهیدانی وەستان

دواتر بەڕێوەبەری گشتی كۆمپانیای میران وتەیەكی پێشكەشكرد و تێیدا ئاماژەی بە گرنگی كردنەوەی ئەوجۆرە بازاڕ و مۆڵانە كرد بۆ شارەكە

سۆران ئەحمەد وتیشی لە سیتی سەنتەری سلێمانیدا چەندین ماركەی جیهانی دەستدەكەوێت كە لە عیراق و هەرێمیشدا بونی نیە 

 

 

 

عیماد ئەحمەد وتیشی ” بەوپێیەی سلێمانی پایتەختی رۆشنبیریە،هەوڵدەدەین پرۆژەی زیاتری تێدا ئەنجام بدەین و هێوادارین ئەو بایەخپێدانەلە كابینەی هەشتەمدا كە بڕیارەی لە مانگی 1 ساڵی نوێدا پێكبهێنرێت زیاتر بكەن “

جێگری سەرۆكی حكومەتی هەرێم هیواشیخواست سەرجەم لایەنەكان بەشداری كابینەی هەشتەم بكەن

 

 

 

 

لە كۆتایی مەراسیمەكەشدا خەڵاتی هاوكارانی پرۆژەكە لەلایەن ئەحمەدی حاجی عەلی خاوەنی كۆمپانیای میران و سیتی سەنتەری سلێمانییەوە بەخشرایەهەریەكە لەعیمادئەحمەد جێگری سەرۆكی حكومەت –بەهرۆزحەمە صاڵەح پارێزگاری سلێمانی- فەرمان غەریب بەڕێوەبەری وەبەرهێنانی سلێمانی

 

 

 پاشانیش كێكی پرۆژەكە لەلایەن عیماد ئەحمەدەوە بڕدرا و ئامادەبوانیش شیرینی سیتی سەنتەریان خواردەوە

لای خۆشیەوە حەمیدهەورامی راوێژكاری یاسایی گروپی كۆمپانیاكانی میران بە سایتی ژوری بازرگانی و پیشەسازی سلێمانی راگەیاند: پرۆژەكەمان بۆ خمەتكردنی سلێمانیە و مۆڵی سیتی سەنتەری سلێمانی توانیویەتی چەندین كۆمپانیای بیانی و ماركەی جیهانی بێنێتە هەرێمی كوردستان  و هاوكات تونیویەتی هۆكارێكبێت بۆ دەستەبەركردنی هەلی كار بۆ شاری سلێمانی