ئەمریكا.. بێكارەكان كەمبونەوە

لەمانگی ڕابردوودا ڕێژەی بێكاری لە ئەمریكا نزمترین ئاستی لە ماوەی 5 ساڵدا تۆماركرد ‌و بۆ لەسەدا 7 دابەزی, وەزارەتی كاری ئەمریكا لە بەیاننامەیەكدا ئاشكرای كردوە، لە مانگی تشرینی دووەمدا 203 هەزار كەس خراونەتەسەر كار و بەوهۆیەشەوە ڕێژەی بێكاری بۆ لەسەدا 7 دابەزیووە، كە بەنزمترین ئاست دادەنرێت بەراورد بەمانگی تشرینی دووەمی ساڵی 2008, هەروەك لەبەیاننامەكەدا هاتووە، لەمانگی رابردوودا ڕێژەی بێكاری سێ‌ خاڵ دابەزیووە‌و بۆتە لەسەدا 7. ئەمەش لەكاتێكدایە پێشتر پێشبینی كرابوو 180 هەزار هەلی كار دەستەبەر بكرێت ‌و ڕێژەی بێكاری لەسەدا 7 پۆینت 3 وە بۆ لەسەدا 7 پۆینت 2 دابەزێت, وەزارەتی كاری ئەمریكا ئاماژەی بەوەش كردوە، بەشێك لەو فەرمانبەرانەی بەهۆی داخستنی هەندێك لە فەرمانگەكانی حكومەتەوە لە كارەكانیان دەركرابوون، بەبێكار ناویان تۆماركرابوو، لەدوای تێپەڕاندنی قەیرانی قەرزەكانی ئەمریكا ‌و كردنەوەی فەرمانگەكانیشەوە، ئەو فەرمانبەرانە لە مانگی رابردوودا گەڕانەوە سەر كارەكانیان، بەوهۆیەشەوە بێكاری بەو ڕێژە زۆرە دابەزیووە.