به‌گوێره‌ی ڕاگه‌یه‌ندراوێكی به‌شی ڕاگه‌یاندنی قائیمقامیه‌تی پارێزگای سلێمانی، له‌درێژه‌ی هه‌وڵه‌كانی لیژنه هاوبه‌شه‌كانی قائمقامیه‌تی سلێمانی بۆ پاراستنی ته‌ندروستی به‌رژه‌وه‌ندی هاولاَتیان, دوای ده‌ستبه‌سه‌راداگرتنی برێكی زۆر خواردن وخواردنه‌وه‌ی ماوه به‌سه‌رچوو، پێنج شه‌ممه 5/12/2013 به‌رامبه‌ر به14ی سه‌رماوه‌زی 2713ی كوردی لیژنه‌ی له‌ناوبردنی قایمقامیه‌تی سلێمانی له‌ناوچه‌ی تانجه‌رۆی شاری سلێمانی، بڕی (24) كارتۆن كاكڵه گوێزی خراپبوو, و (40) كێس خواردنه‌وه (مه‌شروب)ی ماوه‌به‌سه‌رچوویان له‌ناوبرد.
لیژنه‌كانی قائیمقامیه‌تی پارێزگای چه‌نیدن تیمیان پێكهێناوه، به‌مه‌به‌ستی لێپێچینه‌وه‌و به‌دواداچوون بۆ گرانفرۆشی‌‌و هه‌ڵنه‌واسینی نرخ‌و خۆراكی خراپبوو.
Kurdish