فەرمانبەرە گرێبەستەكان دەكرێن بەفەرمانبەری هەمیشەیی

وتەبێژی وەزارەتی دارایش ئاشكرایدەكات، پێش كۆتایی ئەمساڵ سەرجەم ئەو فەرمانبەرانە دەكرێن بە فەرمانبەری هەمیشەیی.

(دلێرتارق)، وتەبێژی وەزارەتی دارایی بە (نها24) ی ڕاگەیاندوە: “وەزارەتی دارایی بڕیاریداوە سەرجەم ئەو فەرمانبەرانەی ماوەی (3)ساڵە بە گرێبەست دامەزراون بكرێن بەفەرمانبەری هەمیشەیی”.

وتیشی, وەزارەتی دارایی  لە رێگەی بەرێوەبەرایەتی گشتی میلاك داوای لە سەرجەم وەزارەت و فەرمانگەكان كردوە، زانیاری تەواویان لە سەر ئەو فەرمانبەرە گرێبەستانە بۆ رەوانە بكەن، كە ماوەی (3) ساڵە بە گرێبەست كاردەكەن”.

ڕونیشیكردەوە: “پێویستە فەرمانبەر(3)ساڵی تەواوكردبێت و لەدایكبووی ساڵی (1984) بێـت”.

جەختیشیكردەوە: ئەو فەرمانبەرانەی خاوەن بروانامەی دكتۆران (800) هەزار دینار وەردەگرن و بڕوانامەی ماستەر(700) هەزار و بڕوانامەی بەكالۆریۆس (500) هەزار و بڕوانامەی پەیمانگا (400) هەزار دینار وەردەگرن”.