بێچوویه‌كی داڵی سپی كه به داڵی سپی ئێرانی ناسراوه له مه‌زادێكدا به به‌های 750 هه‌زار دۆلار فرۆشرا و ریكۆردێكی نوێی له فرۆشتنی باڵنده له جیهان تۆمار كرد.
ئه‌و مه‌زاده له وڵاتی كوێت به‌رێوه‌چوو و ده‌یان بازرگان و لایه‌نگری باڵنده‌كان له وڵاتانی كه‌نداو سه‌ردانی شوێنی مه‌زاده‌كه‌یان كردو له ئه‌نجامدا به به‌های 209 هه‌زار دیناری كوێتی (750 هه‌زار دۆلار) فرۆشرا.
ته‌له‌فزیۆنی ئه‌لعاله‌م له‌و باره‌یه‌وه رایگه‌یاند كه ئه‌و جۆره داڵه ره‌نگی سپی یه و ده‌گمه‌نه و یه‌كێكه له خێراترین و به تواناترین داڵه‌كانی جیهان.
“حه‌مود ئه‌الروبه‌یعی” كارناسی بالنده‌ى داڵ له‌و باره‌یه بۆ كه‌ناله‌كه وتى كه ئه‌و بێچووه ته‌مه‌نی نزیكه‌ی 1 ساڵه و زۆریش ده‌گمه‌نه ، بۆیه ئه‌و نرخه‌ى تۆماركردوه.
Kurdish