بۆ ئەو ژنانەی كاردەكەن و دەیانەوێت بە شێوازێكی تەندروست كار بكەن و سەركەوتنت لە راپەڕاندنی ئەركەكانیان بەدیبێنن، شارەزایانی ئەو بوارە ژمارەیەك رێنمایی پێشكەش بە ژنان دەكەن.
ژنان زیرەكی تەواویان هەیە بۆ سەركەوتن لە شوێنی كار
بێ سەرنجدانی ئەو قٶناغەی وا تێپەڕ دەكرێت، بوونی بڕوابەخۆبوون نزمترین ئاستی كوالیتیە، كە پێویستمان پێی هەیە بۆ سەركەوتن. بوونی پشتگیری پێویستی بە بڕوابوون بە خۆت و ئامانجەكانت هەیە، ئەم تایبەتمەندییە یارمەتیت دەدات لەگەڵ گیروگرفت و سەختییەكانیش درێژە بە هەوڵی خۆت بدەی.
لە حاڵێكدا پیاوان بڕوابەخۆبوونی زیاتریان هەیە و ژنان فێر بوون كە لەسەرخۆ و خاكەسارو بێ فیز بن. بۆ زاڵبوون بە سەر ئەم گرفتەدا لە شوێنی كار گرنگە باشترین تایبەتمەندییەكانی خۆت بناسی و بینوێنی، یەكێك لە تایبەتمەندی ژنان زیرەكییانە.
(لیزا جانسۆن ماندێل) نووسەری كتێبی پڕفرۆشی (گەڕانەوە بە كار) دەڵێ: ژنان توانای ئەوەیان هەیە بچنە ناو ژوورێك چاوی پێداخشێنن و هەمو شتێك بە باشی بیهێنەوە بیر.
ئەو ژنان دڵگەرم دەكات بەوەی، كە بڕوایان بەم هەستەی خۆیان هەبێت و گرنگی پێ بدەن و هەبوونی هەستێكی تایبەت سەبارەت بە بابەتێك، لێكی بدەنەوەو لێیتێبگەن.
ئاگاداری هەستەكانی خۆت بە
لە كاتێكدا پیاوان هەوڵدەدەن بۆ ئەوەی هەستەكانی خۆیان نیشان نەدەن ژنان لە سەرەتای منداڵییەوە فێر دەبن، كە هەستەكانی خۆیان نیشان بدەن، بەڵام ئەم بابەتە لە شوێنی كار دەبێتە هۆی گرفت و كێشە، ئەگەر لە شوێنی كار جڵەو بۆ هەستەكانت شل بكەیت.
پیاوان كێشە ئیدارییەكان تایبەتی ناكەن و توانای ئەوەیان هەیە واقیعی بن و كەوایە بڕیاری باشترو بەهێزتر دەدەن.
(كیمبێرلی راسێڵ) یەكێك لە وەبەرهێنە سەركەوتووەكان دەڵێت: لە شوێنی كار بەتەواوی بەسەر هەستەكانی خۆیدا زاڵە. “هەوڵ دەدەم لەسەر كار بەسەر هەستەكانمدا زاڵ بم و زیاتر لۆژیكی بم، كار كارەو ناتوانێ هەموو شتێك زۆر شیكەیتەوەو تایبەتی بكەیتەوە”.
نیشاندانی هەستە كەم بایەخەكانی ژنان
گریان، یەكێكە لەو ئاكارانەی كە سەرجەم ژنان هان دەدرێن بەوەی دژی بوەستنەوە. (ماندێل) لای وایە ئەگەرچی گریان سرووشتییە، بەڵام ئێوە سست و لاواز دەنوێنێ، بەڵام لەبیری مەكەن كە هەندێ جار پێویستمان بە گریان هەیە ئەگەر هەستەكان لە شوێنی كار ئازارتان دەدات برۆن بۆ توالێت و خۆتان خاڵی كەنەوە لەو هەستانەی ئازارتان دەدەن، ئەگەریش ئەم كێشەیە هەموو رۆژێ رووبەڕووتان دەبێتەوە باشتر وایە زیاتر لە شوێنی كاری خۆتان بكۆڵنەوە.
رێكخستن
چ بۆ خۆت یا كۆمپانیاییەك كار بكەیت ئەوەیكە كەسایەتی تایبەت بە خۆتت بە درێژەی رۆژدا ببێت یاریدەرێكی گەورەیە بۆ هەنگاونان بەرەو ئامانجەكانت. (راسێڵ) لای وایە: هەر رۆژهەنگاوێك هەڵبگرن و هەر رۆژ بۆ ئەو رۆژە بژین و خۆتان تووشی ئامانجی گەورە و درێژخایەنەكان مەكەن.
نووسینی لیستەیەكی سادە لە كاری رۆژانە رێگایەكی زۆر باشە، ئەمڕۆ چ كارێكم ئەنجام داوە؟ بەیانی چ كارێك دەبێ ئەنجام بدەم و بە چ شێوازێ؟
كاتێك بەرنامەتان داڕشت پێویستە بە درێژەی رۆژ بە پێی ئەوە هەنگاو هەڵگرن، تەنانەت لە ژیانی تاكەسی خۆتدا بێ فیز و جێ متمانە بوون ئاكارێكی بەهێزە لە شوێنی كاردا.
بە دەستهێنانی لێهاتوویی لە پەیوەندی گرتندا
هەبوونی لێهاتوویی قسەكردن لە پشت تریبۆن، بەشداریكردن لە كۆنفرانسێكدا، نووسینی ئیمێڵ و لێهاتوویی پەیوەندییەكانی دیكە شتێكی زۆر پێویستە. هەندێ لە خەڵك رەنگە لە خوێدا هۆگریان بێت بە هاونشینی لەگاڵ دیتران. ژنان سەرنجی وردەكارییەكان دەدەن، بەڵام تەنانەت ژنە دەروونگەراكانیش ئەم تواناییانەیان هەیە.
(زیگلێر) دەڵێ: زۆربەی كات ئێمە وشەكانی خۆمان بە رستە گەلێكی وەك: دەزانن كە مەبەستم چییە؟ یان ئەگەر كێشەیەكی بۆ ئێوە نیە؟ هێدیتر دەكەینەوە. ئەو بابەتەی دەبێت لە بیری نەكەین ئەوەیە ئێوە خانمێكی بەتواناو تایبەتن لەوانەیە توانای زۆر زیاترتان لەوەی هەن، ببێت. ئەگەر بتانەوێت لاوازی قسەكردنی خۆتان بخەنە ئەولاوە، پێش كۆبوونەوەكە وتاری خۆتان ئامادە بكەن، بەم شێوەیە دڵنیا دەبن لەو بابەتانە وا پێشكەشی دەكەن.
ببن بە ئەندامی كۆمەڵێك
زۆر ئاسانە لە شوێنی كار خانمێك وەك هەڕەشەیەك بۆ خۆت بزانی، بەڵام ئەم بارودۆخە بە زیانی هەر دووكتانە. لە كاتێكدا خەریكی ئەنجامدانی كارێك دەبن یا شوێنی كاری خۆتان دەگۆڕن، خانمێك لە شوێنی كارتاندا بدۆزنەوە، لەگەڵ ئەو پێوەندی دروست بكەن بەم شێوە هەم یارمەتی ئەو دەدەن،هەم شتی لێ فێر دەبن.
ژیانی كەسی خۆت تایبەت رابگرە
لە زۆربەی شوێنی كارە تازەكان سنوورێ نیە لە نێوان هاوڕێ و هاوكاردا، لە زۆربەی بارۆدۆخەكان سەرجەم هاوكارەكانتان دەربارەی گرفتەكانی ژیانی كەسی و شەونەنوستنتان ئاگادارن. باسكردنی كێشەی ژیانی كەسی لە شوێنی كاردا دروست نییە، لەبەرئەوەی بە قسە كردن دەربارەی گرفتی كەسی، رێگە بە هاوكارەكانی خۆت دەدەیت، كە سەبارەت بە تۆ داوەری بكەن، ئەم ئاكارە هەڵە و نافەرمیە.
زۆر گرنگە ژیانی كەسی خۆت لە كارەكانت دوور رابگریت. هاوسەنگی ڕاگرتنی ئەم دوو لایەنی ژیانە، ئەوەی بزانی چۆن رێگە نەدەی كار ژیانی كەسی تۆ ئاڵۆز بكات، بەپێچەوانەوە، یارمەتیت دەدات لە هەر دوو بواردا سەركەوتوو بیت.
وشیاربە و پێوەندی دروست بكە
به گوێره‌ى راپرسييه ئه‌نجامدراوه‌كان، زۆربەی ژنانی سەركەوتوو رۆژی خۆیان بە خوێندنەوەی رۆژنامە، وبلاگەكان و….بەسەر دەبەن. زانینی ئەوەی بزانی لە بواری كاری تۆ چی روودەدات، لە گۆشەگیری رزگارت دەكات و توانای ئەوەت پێ دەدات، بۆ بەشداریكردن لە هەموو بابەتێكدا ئامادە بیت و بیر لە بابەتی نوێ و پەیوەندیدار بكەیتەوە.
Kurdish