جێگری سه‌رۆك وه‌زیرانی عێراق بۆ كاروباری ووزه رایگه‌یاندووه حكومه‌ته‌كه‌ی داوای له كۆمپانیای (ئیكسۆن مۆبیل) كردووه ده‌ست به‌كه‌مكردنه‌وه‌ی كاره‌كانی بكات، ئه‌وه‌ش به‌هۆی مۆركردنی بۆند له‌گه‌ڵ هه‌رێمی كوردستان.
حسێن شه‌هرستانی جێگری سه‌رۆك وه‌زیرانی عێراق بۆ كاروباری ووزه له‌چوارچێوه‌ی به‌شداری كردنی له‌مونته‌دایه‌كی ووزه له‌شاری دوبه‌ی رایگه‌یاند: كۆمپانیای ئیكسۆن مۆبیل هه‌ڵه‌یه‌كی گه‌وره‌ی كرد بۆندی له‌گه‌ڵ حكومه‌تی هه‌رێمی كوردستان مۆركرد، ئێستاش داوا له‌و كۆمپانیایه كراوه ده‌ست بكات به‌كه‌مكردنه‌وه‌ی كاره‌كانی له‌ناوچه‌كانی باشووری عێراق.
لای خۆشیانه‌وه به‌رپرسانی كۆمپانیای ئیكسۆن موبیل كه به یه‌كێك له‌گه‌وره كۆمپانیا جیهانیه‌كانی بواری نه‌وت ئه‌ژمار ده‌كرێت رایگه‌یاندووه، ئه‌وان نیگه‌رانن له‌بڕیاره‌كانی حكومه‌تی به‌غدا، چونكه له‌ساڵی 2011 به‌ئاگاداری به‌غدا بۆندیان له‌گه‌ڵ هه‌رێم مۆركردووه بۆ كاركردن له‌شه‌ش شوێن كه‌دوو بۆندیان له‌ناوچه كێشه له‌سه‌ره‌كان بوو.
Kurdish