سه‌عات 8:30 ی به‌یانی ئه‌مڕۆ سێشه‌ممه هاوڵاتیانی گونده‌كانی كانی هه‌سپانێ بچوك و هه‌سپانێ گه‌وره، كه سه‌ر به‌قه‌زای به‌رده‌ڕه‌شن، خۆپیشاندانێكیان دژی كۆمپانیایه‌كی گه‌ڕان به‌دوای نه‌وتدا ئه‌نجامدا، له‌به‌رامبه‌ر ئه‌وه‌ی كۆمپانیاكه چه‌ند به‌ڵێنێكی پێدابوون و بۆی جێبه‌جێ نه‌كردبوون.
سه‌رچاوه‌یه‌ك له ناو خۆپیشاندانه‌كه‌وه به (خه‌ندان) ی راگه‌یاندوە: ئه‌و كۆمپانیایه كه به‌دوای گازدا ده‌گه‌ڕێت، چه‌ند به‌ڵێنێكی به خه‌ڵكی ناوچه‌كه‌دابوو بۆ چاككردنی رێگای گونده‌كان و دروستكردنی قوتابخانه‌و یاریگایه‌كی بچوك و هۆڵێكی بۆنه‌كان.
وتیشی: “تا ئێستا كۆمپانیاكه هیچ كام له‌و به‌ڵێنانه‌ی جیبَبه‌جێ نه كردوه، جگه له‌وه‌ش رێگا به هاوڵاتیانی ئه‌و گوندانه‌ش نادات له‌گه‌ڵ كۆمپانیاكه‌یان كار بكات، بۆیه هاوڵاتیانی ئه‌و دوو گونده رێگه‌ی هاتوچۆی كۆمپانیاكه‌یان داخستووه”.
Kurdish