رۆیته‌رز له سه‌رچاوه‌یه‌كیی نه‌وتی بڵاوكرده‌وه بێ ئه‌وه‌ی ئاماژه به ناوه‌كه‌ی بكات كه حكوومه‌تی عێراق و كۆمپانیا بیانیه‌كان به‌تایبه‌ت بریتانیا و ئه‌مه‌ریكا كه له كێڵگه نه‌وتییه‌كانی عێراقدا كارده‌كه‌ن رێوشوێنی ئه‌منی توندتر كردووه وه‌ك خۆئاماده‌كردنێكی پێشوه‌خته له‌وه كاته‌ی ئه‌گه‌ر هاتوو سوریا هێرشی تۆله‌سه‌ندنه‌وه بكاته سه‌ر ئه‌و كۆمپانیایانه له‌و كاته‌ی كه ئه‌مه‌ریكا و هاوپه‌یمانانی گورزی سه‌ربازی لێده‌ده‌ن .
به گوته‌ی ئه‌و سه‌رچاوه‌یه سه‌رجه‌م ئه‌و كۆمپانیا بیانیه نه‌وتیانه‌ی كه له عێراق كار ده‌كه‌ن رێوشوێنی ئه‌منی زیاتر ده‌كه‌ن بۆ گه‌ره‌نتی پاراستنی كارمه‌نده‌كانیان . هاوكات سه‌رچاوه‌یه‌ك له كۆمپانیای نه‌وتی باشوور به شه‌فه‌ق نیوزی راگه‌یاندووه كه كۆمپانیاكه‌یان سه‌رجه‌م ئه‌و كۆمپانیا بیانیانه‌ی ئاگادار كردۆته‌وه كه جووله‌یان له شاری به‌سڕ كه‌مبكنه‌وه .
Kurdish