ئاشتی هەورامی، وەزیری سامانە سروشتییەكانی هەرێمی كوردستان رایگەیاند: “لە 25-8-2013 بەنزینی پاڵاوگەكانی هەرێمی كوردستان حكومەت خۆی دەیداتە بەنزینخانەكان‌و كەرتی تایبەت نامێنێت”.
وتیشی: “نرخی هەر لیترێك بەنزین بە 480 دینار دەبێت بۆ بەنزینخانەكان، كە ئەوان دەبێت بە 500 دینار بیفرۆشن بە هاووڵاتیان”.
لەبارەی چۆنێتی بەنزینەكەشەوە ئاشتی هەورامی گوتی: “كوالێتی ئەو بەنزینە وەك بێجی دەبێت و تا مانگی 9 تەنها لە پارێزگای هەولێر ئەم بڕیارە كاری پێدەكرێت”.
راشیگەیاند: “لە مانگی 9 هەردوو پارێزگای دهۆك و سلێمانیش دەبێت ئەو بڕیارە جێبەجێ بكەن”.
Kurdish