قەیرانی ناوچەی یۆرۆ كۆتایی هات

ئەم گۆرانكارییەش پەیوەندی راستەوخۆی بەگەشەی ئابوری ئەڵمانیا‌و فەرەنساوە هەیە.

رۆژی چوارشەمە ئیدارەی ئاماری یەكێتی ئەوروپا بڵاویكردەوە بەپێی ئاماری (17) وڵاتی زۆنی یۆرۆ دوای (18) مانگ لەوەستان ئابوری ئەوروپا گەشەكردنی بەخۆیەوە دیووە.

شارەزایانی ئابوریش پێشبینی دەكەن كە قەیرانی دارایی‌و وەستانی گەشەی ئابوری زۆنی یۆرۆ كۆتای هاتووە، بەڵام گەشەكردنەكەی تەنیا (2%).

شارەزایان هۆكاری ئەم گەشەكردنە دەگێرنەوە بۆ گەشەی ئابوری هەردوو وڵاتی ئەڵمانیا‌و فەرەنسا، بەپێی ئامارەكەی یەكێتی ئەوروپاش لەماوەی ساڵی رابردوودا گەشەی ئابوری ئەڵمانیا (7%) بووە، گەشەی ئابوری فەرەنساش (5%) بووە.