فرۆشی فۆرد و كرایسلەر كەمیكردووە

لەمانگی تەمووزدا فرۆشی ئۆتۆمبێلی كۆمپانیاكانی فۆرد‌و كرایسلەر لە ئەمریكا بەراورد بەپێشبینیەكان كەمیكردووە بەگوێرەی ئەو بەیاننامانەی كۆمپانیاكانی فۆرد‌و كرایسلەر بڵاویانكردۆتەوە، پێشبینی دەكرا لەمانگی تەمووزدا كۆمپانیای فۆرد 200 هەزار ئۆتۆمبێل لەبازاڕەكانی ئەمریكا بفرۆشێت بەڵام 193 هەزار‌و 715 ئۆتۆمبێلی فرۆشتووە، هەرچەندە ئەوەش لەچاو پێشبینیەكاندا كەمیكردووە، بەڵام بەراورد بەمانگی تەمووزی ساڵی ڕابردوو بەڕێژەی لەسەدا 11 زیادیكردووە هاوكات كۆمپانیای كرایسلەر لەمانگی تەمووزدا 140 هەزار‌و 102 ئۆتۆمبێلی لە بازاڕەكانی ئەمریكا فرۆشتووە، لەكاتێكدا پێشبینی دەكرا زیاتر لە 146 هەزار ئۆتۆمبێل بفرۆشێت ەلایەكی دیكەشەوە كۆمپانیای نیسان مۆتۆرزی ژاپۆنی ئاشكرایكرد، لەمانگی تەمووزدا فرۆشی ئۆتۆمبێلەكانی لە ئەمریكا بەڕێژەی لەسەدا 10 پۆینت 9 زیادیكردووە‌و گەیشتۆتە 109 هەزار ئۆتۆمبێل.