بەرهەمی گەنمی ئەمساڵ 50% زیادی كردووە

بەهرۆز محەمەد ساڵح پارێزگاری سلێمانیش رێنمای دەدات بە بەرێوەبەری سایلۆی سلێمانی هەوڵی زیاتر بدەن بۆ وەرگرتنی گەنمی جوتیاران و پەلەكردن لە پێدانی چەكی پارە بەو جوتیارانەی گەنمیان لێ‌ وەرگیراوە.

پارێزگاری سلێمانی  ئەمرۆ 28ی تەموز سەردانی سایلۆی سلێمانی كردوو لە نزیكەوە لە كاروبارەكانی سایلۆكە و  چونێتی  وەرگرتنی گەنمی لە جوتیاران پرسیەوە 

پارێزگار لەسەردانەكەیدا رایگەیاند وێرای ئەوەی وەرگرتنی گەنم پەیوەندی بە حكومەتی ناوەندەوە هەیە، بەڵام دەبێت ئێمە بەرژەوەندی جوتیارانی خۆمان لەبەرچاو بگرین و نەهێڵین زەرەرمەند بن”

پارێزگار وتیشی: لەگەڵ بانكی تایبەتمەند قسە بكەین  بۆ ئەوەی پێدانی پارەی جوتیاران خێراتر بكەن

بە وتەی بەرێوەبەری سایلۆی سلێمانی تا ئێستا 135 هەزار تەن گەنم لە جوتیاران وەرگیراوەو لەچاو پاردا نزیكەی لە50% زیادی كردووەو رۆژانە نزیكەی 100 چەكی پارە بۆ جوتیاران  دەكەن، وتیشی: كێشەكانی وەرگرتنی گەنم لەجوتیاران لەچاو پاردا كەمتر بووە