جێگری سەرۆك وەزیرانی ئیمارات پشكەكانی دەفرۆشێت

لە چوارچێوەی پرۆسەی رزگاركردنی بانكی باركلیز لەساڵی 2008 دا ، هەریەك لە ئیمارات‌ و قەتەر بەشدارییان لە وەبەرهێنانی ئەو بانكە كرد بۆ ئەوەی تووشی مایەپووچی نەبێت و توانی حەوت ملیار پاوەندی ئەستەرلینی كۆبكاتەوە.

بە بەشداریی ئەو دوو لایەنە باركلیز توانی پشكەكانی بەقەبارەی 179 پێنس بەرزبكاتەوەو نرخی كۆتاییشی گەیشتە 320 پێنس لەبازاڕەكانی بۆرسەی جیهانیدا.

كۆی گشتی پشكەكانی ئال نەهیان لەو بانكە دەگاتە سەدا حەوت‌و قەبارەكەشی 3 پۆینت پێنج ملیار پاوەندە.

لەكاتی فرۆشتنی ئەو پشكانە رەخنەی زۆر ئاراستەی ئەو بانكە كرا، بەوەی مەرجەكانی زۆر سەرنجراكێش بوون بۆ وەبەرهێنان.