کۆمپانیای ئەپڵی ئەمەریکی رایگەیاند، کە لیکۆڵینەوەی دەستپێکردوە لە روداوی گیان لەدەستدانی ژنێکی چینی بەهۆی مۆبایلی جۆری ئایفۆن (5) ەوە.
لە بەیاننامەیەکدا کۆمپانیای ئەپڵ رایگەیاندوە، ئەو ژنە بەهۆی بونی کارەبا لەسەر مۆبایلی ئایفۆنەکە لەکاتیێکدا کە لەژێر بارگاویکردندا بوە، گیانی لەدەستداوە و بۆ ئەو مەبەستەش لیکۆڵینەوەی ناوخۆییان لە روداوەکە دەستپیکردوە.
ئەو هەنگاوەی ئەپڵ لەدوای هەواڵیکی ئاژانسی شینخوای چینی دێت کە بڵاویکردبوەوە، ژنێکی چینی بەهۆی بونی کارەبا لەسەر ئایفۆنەکەی گیانی لەدەستداوە.
ئەو ئاژانسە ئەوەشی خستوەتەڕو، کە ئایفۆنەکە لەکاتی بارگاویکردندا بوە و کاتێک ئەو ژنە دەستی لە ئایفۆنەکە داوە، کارەبا گرتویەتی و دواتر گیانی لەدەستداوە.
کۆمپانیای ئەپڵیش، ویڕای هاوسۆزی بۆ خێزانی قوربانییەکەجەختیکردەوە کە هەماهەنگی دەکات لەگەڵ لایەنی پەیوەندیدار بۆ ئاشکراکردنی وردەکاری روداوەکە.
Kurdish