به‌مه‌به‌ستی رێكاره‌كانی رێگریكردن له بڵاوبوونه‌وه‌ی كۆرۆنای نوێ، ده‌روازه‌ی په‌روێزخان به‌ڕوی گه‌شتیاران داخرا، له‌باره‌یه‌شه‌وه به‌ڕێوه‌به‌ری ده‌روازه‌كه زانیاری زیاتر ئاشكرا ده‌كات.
عه‌لی تۆفیق به‌ڕێوه‌به‌ری ده‌روازه‌ی په‌روێزخان رایگه‌یاند: به بڕیاری پارێزگاری كرماشان، ده‌روازه‌ی په‌روێزخان له دیوی ئێرانه‌وه به ڕووی گه‌شتیاران داخرا.
به‌ڕێوه‌به‌ری ده‌روازه‌ی په‌روێزخان وتیشی: داخستنی ده‌روازه‌كه، به هۆی رێكاره‌كانی به‌ره‌نگاربوونه‌وه‌ی جۆره نوێیه‌كه‌ی كۆرۆنایه، كه له ئێستادا كۆرۆنای نوێ گه‌یشتۆته عێراق و له چه‌ند ناوچه‌یه‌ك بڵاوبۆته‌وه.
Kurdish