نرخی نەوت ئەمڕۆ دووشەممە 15ی شوبات گەیشتە بەرزترین ئاست لە 13 مانگی ڕابردوودا، ئەمەش لەگەڵ بەرزبوونەوەی ئاڵۆزییەکانی ڕۆژهەڵاتی ناوەراست و ئەگەری بەرزبوونەوەی کڕینی نوێ لە نەوتدا.
نرخی بەرمیلێک نەوتی برێنت ئەمڕۆ لە بازاڕەکانی جیهاندا بەبڕی 1.09 دۆلار و بەڕێژەی %1.8 بەرزبووەوە و گەیشتە 63.52 دۆلار.
هەروەها نەوتی خاوی تەکساس ئەمڕۆ بەبڕی 1.28 دۆلار و بەڕێژەی %2.2 بەرزبووەوە و نرخی هەر بەرمیلێکی گەیشتە 60.75 دۆلار.
بە تێکڕایی نرخی نەوت لە هەفتەی ڕابردوودا نزیکەی %5 بەرزبووەتەوە.
بەرزبوونەوەی نەوت دەگەڕێتەوە بۆ ئاڵۆزییەکانی ڕۆژهەڵاتی ناوەڕاست و خواستی نوێ لەسەر کڕینی نەوت، لەلایەکی دیکەشەوە پاڵپشتییە داراییەکانی ئەمریکا بۆ کەمکردنەوەی ڕێکارەکانی قەدەغەی هاتوچۆ کە پاڵنەرێکە بۆ بەزربوونەوەی خواست لەسەر وزە.
Kurdish