بەگوێرەی ڕیزبەندێكی پێگەیەكی تایبەتمەند، گرانبەهاترین هێمای بازرگانیی تایبەت بە نەوت و گازی سروشتی، كۆمپانیای شێڵی هۆڵەندی-یە.
پێگەی براند فاینانس بڵاویكردووەتەوە، كۆمپانیای شێڵی هۆڵەندی بە بەهای 42 ملیار و 200 ملیۆن دۆلار، گرانبەهاترین هێمای بازرگانییە لە بواری نەوت و گازدا.
لە ڕیزبەندی دووەمیشدا، ئارامكۆی سعودی بە بەهای 37 ملیار و 500 ملیۆن دێت.
سێیەم بەهادارترین هێمای بارزگانیی نەوت و گازیش، كۆمپانیای پێترۆ چاینای چینی دێت كە بەهاكەی 31 ملیار و 400 ملیۆن دۆلارە.
سینۆپێكی چینی لە ڕیزبەندی چوارەم دێت بە بەهای 26 ملیار و 400 ملیۆن دۆلار.
پێنجەم گرانبەهاترین هێماش، بی پی-ی بەریتانییە بە بەهای 21 ملیار و 400 ملیۆن دۆلار.
Kurdish