قەدەغە لەسەر هاوردەكردنی هەنار هەڵگیرا

بە هۆی كەمبوونەوەی بەرهەمی ناوخۆ و زۆربوونی خواست، وەزارەتی کشتوکاڵ قەدەغەی هاوردەکردنی هەناری هەڵگرت.



بە پێی نووسراوێكی بێگەر تاڵەبانی وەزیری كشتوكاڵ كە ئاڕاستەی وەزارەتی دارایی كردووە، ئەوە خراوەتەڕوو كە لە بەر زۆری خواست لەسەر هەنار و کەمبوونەوەی بەرهەمی هەناری ناوخۆیی، وەزارەتی کشتوکاڵ و سەرچاوەکانی ئاو بڕیاری دا بە رێگەپێدانی هاوردەکردنی هەناری دەرەکی لە رێکەوتی 5/1/2021ەوە.



ساڵانە وەزارەتی کشتوکاڵ و سەرچاوەکانی ئاو لە کاتی پێگەیشتنی بەروبومی ناوخۆیی و لە پێناو پاراستنی بەرهەمی ناوخۆیی، بە پێی وەرزی  بەرهەمەکان، هاوردەکردنی بەرهەم لە دەرەوە قەدەغە دەكات.