به‌ڕێوه‌به‌ری جێبه‌جێكاری كۆمپانیای ڤیتۆڵ ئاشكرایكردوه، نرخی یه‌ك به‌رمیل نه‌وت به‌ره‌و 50 دۆلار به‌رز ده‌بێته‌وه.
ڕۆژی سێشه‌ممه ڕوسێل هاردی، به‌ڕێوه‌به‌ری جێبه‌جێكاری كۆمپانیای ڤیتۆڵ ڕایگه‌یاند، له‌ماوه‌ی چه‌ند مانگی داهاتوودا نرخی نه‌وت تا ئاستی 50 دۆلار به‌رزده‌بێته‌وه.
هاردی پێیوایه كه‌مبوونه‌وه‌ی نه‌وتی عه‌مباركراو له‌گه‌ڵ ئاڕاسته‌كانی دۆزینه‌وه‌ی ڤاكسینی كۆرۆنا، ڕۆڵیان ده‌بێت له‌به‌رزبوونه‌وه‌ی نرخی نه‌وت تا ناوه‌ڕاستی ساڵی 2021.
ڕۆژی سێشه‌ممه نرخی یه‌ك به‌رمیل نه‌وتی برێنت له‌بازاڕه‌كانی جیهان به 43 دۆلار مامه‌ڵه‌ی پێوه‌كرا.
به‌هۆی بڵاوبوونه‌وه‌ی ڤایرۆسی كۆرۆنا نرخی نه‌وت له هه‌ڵبه‌زودابه‌زی به‌رده‌وامدایه، به‌ڵام پێشبینییه‌كان به‌و ئاڕاسته‌یه‌ن نرخی نه‌وت له‌گه‌ڵ هیواكان بۆ دروستكردنی ڤاكسینی كۆرۆنا به‌ره‌و به‌رزبوونه‌وه بچێت.
Kurdish